Monday, September 25, 2017

Wahlabend zur Bundestagswahl

2017 оны 9 дүгээр сарын 24-нд болсон ХБНГУ-ын Бундестагийн 19 дэх сонгуулийн үйл явцыг ажиглахаар Монгол дахь Конрад-Аденауэр-Сангийн суурин төлөөлөгчийн газраас зохион байгуулсан Бундестагийн сонгуулийн үдэшт оролцлоо.

ХБНГУ-ын Монгол улсад суугаа Онц бөгөөд Бүрэн эрхт Элчин сайд Стефан Дүппэл үдэшлэгийг нээв.

Thursday, September 21, 2017

Ambassador Ganbat Damba presented his Letters of Credence

Монгол Улсаас Холбооны Бүгд Найрамдах Герман Улсад суух Онц бөгөөд Бүрэн эрхт Элчин сайд Д.Ганбат Холбооны Ерөнхийлөгч Эрхэмсэг ноён Франк-Вальтер Штайнмайерт 2017 оны 9 дүгээр сарын 20-ны өдөр Итгэмжлэх жуух бичгээ өргөн барив.

Холбооны Ерөнхийлөгч Итгэмжлэх жуух бичгийг хүлээн авсны дараагаар Элчин сайд Д.Ганбатыг ганцаарчлан хүлээн авч уулзсан бөгөөд Элчин сайд хоёр орны уламжлалт найрсаг харилцаа, иж бүрэн түншлэлийн хамтын ажиллагааг цаашид улам өргөжүүлэн гүнзгийрүүлэхийн төлөө хичээнгүйлэн ажиллах болно гэдгээ илэрхийлэв. Түүнчлэн хоёр орны хооронд өндөр түвшний харилцан айлчлал, яриа хэлэлцээ сүүлийн жилүүдэд тогтмолжиж ирсэн нь хамтын ажиллагаа өргөжин хөгжих чухал хөшүүрэг байсан гэдгийг онцлоод, цаашид хоёр орны харилцааг эдийн засгийн агуулгаар баяжуулах нь бидний чухал зорилтын нэг гэдгийг онцлон тэмдэглэв.

Friday, August 18, 2017

Ч.Сосормаа: Цагааны бүтээснийг Улаан нь сүйтгээд байвал яах болж байна гэсэн үг заримдаа санаанд буудаг л юм

Монгол Улсаас Холбооны Бүгд Найрамдах Бразил Улсад суугаа Онц бөгөөд бүрэн эрхт Элчин сайд Ч.Сосормааг эх орондоо ирээд байхад нь ярилцлаа.

-Танай Элчин сайдын яамыг татан буулгах тухай сонсогдсон. Та эх орондоо бүрмөсөн ирэв үү?
-УИХ-ын 2013 оны зургадугаар сарын 7-ны өдрийн 43 дугаар тогтоолоор Монгол Улсаас Холбооны Бүгд Найрамдах Бразил Улс, Бүгд Найрамдах Индонез Улсад дипломат төлөөлөгчийн газраа байгуулахаар шийдвэрлэж, 2014 онд эдгээр улсуудад манай ЭСЯ-д байгуулагдсан юм. Харамсалтай нь гурван жил ч хүрэлгүй ЭСЯ-даа татан буулгах шийдвэр гаргалаа. 2016 онд Монгол, Индонезийн хооронд дипломат харилцаа тогтоосны 60 жилийн ой тохиосон бол 2017 онд Монгол, Бразил Улс хооронд дипломат харилцаа тогтоосны 30 жилийн ой тохиож байна. ЭСЯ-аа татан буулгаж байгаа тухай шийдвэрийг суугаа орондоо дуулгахаас өмнө амжиж ойн арга хэмжээгээ тэмдэглээд л ирэх шив дээ. ХБНБУ-д суугаа ЭСЯ нь Чили, Аргентин, Колумби, Перу улсуудыг хавсран сууж, бусад долоон улсыг хавсран хариуцдаг манай улсыг тус тивд төлөөлж буй цорын ганц дипломат төлөөлөгчийн газар байсан юм.

Thursday, August 17, 2017

Онц бөгөөд Бүрэн эрхт Элчин сайд Дамбын Ганбат

Монгол Улсаас Холбооны Бүгд Найрамдах Герман Улсад суух Онц бөгөөд Бүрэн эрхт Элчин сайд Дамбын Ганбатыг Улс төрийн Боловсролын Академийн хамт олон хүндэтгэн үдлээ.

Wednesday, June 14, 2017

Ардчиллын хөгжилд авилгын үзүүлж буй нөлөө - эрдэм шинжилгээний хурал

Ардчиллын хөгжилд авилгын үзүүлж буй нөлөө сэдэвт эрдэм шинжилгээний хуралд судлаач А.Мягмарсүрэн, Монгол Улс Авлигатай Тэмцэх Газрын Судалгаа шинжилгээний албаны ахлах ажилтан, ахлах комиссар Д.Жаргалан, Транспэрэнси Интернэшнл – Монгол ТББ-ын тэргүүн Л.Төр-Од нар өөрсдийн хийсэн судалгааны талаар илтгэл тавьж хэлэлцүүлэв.

Tuesday, June 13, 2017

Л.Болд : Ардчилалд хэвлэл мэдээлэл дөрөв дэх засаглалын үүрэг гүйцэтгэх нь

УИХ-ын гишүүн Л.Болд
Ардчилалд хэвлэл мэдээлэл дөрөв
дэх засаглалын үүрэг гүйцэтгэх нь” илтгэл тавив
Л.Болд : Ардчилалд хэвлэл мэдээлэл дөрөв дэх засаглалын үүрэг гүйцэтгэх нь
...манай сэтгүүлчид хэвлэл мэдээллийнхэнд өнөөдөр улам илүүтэй үүрэг хариуцлага ноогдсон цаг үе ирээд байна. Парламент сөрөг хүчингүй, байсан ч хэт нөлөө багатай байвал сөрөг хүчин парламентаас гадна талд гардаг. Өөрөөр хэлбэл хэвлэл мэдээлэл сөрөг хүчний үүргийг гүйцэтгэдэг. Ингэхээс ч өөр арга байхгүй. Сэтгүүлчид маань өнөөдөр ард түмнийгээ төлөөлсөн Их хурлын гишүүд гэж өөрсдийгөө бодох хэрэгтэй. Өнөөдөр эрх баригчид сонгогчдын 47 хувийг төлөөлж байгаа юм бол 53 хувийг төлөөлөх сөрөг хүчин нь бид юм гэж та бүхэн үзэх хэрэгтэй. Манай сэтгүүлчид үнэний төлөө, шударга ёсыг нийгмийн хэм хэмжээ болгохын төлөө, хэвлэлийн эрх чөлөөний төлөө тууштай тэмцэнэ гэдэгт эргэлзэхгүй байна. УИХ-ын гишүүний хувьд би энэхүү тэмцлийн галын шугаманд үргэлж хамт байх болно.

Чөлөөт, хараат бус хэвлэл мэдээллийн ардчилал дахь үнэ цэнэ - Ардчиллын III чуулган

Туушин Бэст Вестерн Премиер зочид буудлын Соёмбо танхимд Чөлөөт, хараат бус хэвлэл мэдээллийн ардчилал дахь үнэ цэнэ сэдэвт Ардчиллын гурав дахь чуулган боллоо.
Уг чуулганыг нээж Конрад-Аденауэр-Сангийн Монгол дахь суурин төлөөлөгч доктор Даниел Шмюкинг, Удирдлагын академийн захирал, доктор, профессор С.Зүльфикар нар үг хэллээ.