Сэтгүүлийн нэр нь одоогоос 90 жилийн өмнө (1913.03.06) Монгол улсын тусгаар тогтнолыг бэлэгдэж хэвлэгдэн гарч байсан “Шинэ толь” нэртэй сониноос үүдэлтэй юм. (Сонин бичгийг Монголын төрийн байгууллагад үнэгүй тарааж, бусдыг худалдаж байжээ.)

Шинэ толь–хэмээх нэрийн учир нь хүмүүний оршин амьдрахуйн дүр зургийн толины тусгал лугаа зүйрлэвээс, бичиг, ном, сонин сэтгүүл хэмээн хүмүүний оюуны сэтгэлгээний хэр хэмжээ, боловсрохуйн хэрэгцээ шаардлагыг илэрхийлэгч нэгэн зүйл ухааны толь болохыг нэрийдэж өгсөн түүхтэй. 

УТБА-иас өнөөдөр Монгол улсын ардчилал, зах зээлийн хөгжил, хүний эрх, эрх чөлөө, иргэний нийгмийн төлөвшлийн асуудлаар “Шинэ толь” сэтгүүлийг онол, арга зүйн чиглэлээр (бүх хүрээг хамарч) улиралд 1 дугаар бэлтгэн гаргаж байна. Манай сэтгүүл нь Монголд хэвлэгдэж буй цөөн тооны эрдэм шинжилгээний сэтгүүлийн нэг нь мөн бөгөөд ардчилсан үнэлэмж, үнэт зүйлсийг эрхэм болгож олны хүртээл болгохыг чухалчилсан хэвээр байгаа болно.  

2002 онд хэвлэгдсэн 38 дахь дугараас эхлэн нийтлэлүүдийн товч агуулгыг англи хэл дээр орчуулан сэтгүүлийн эхний хэсэгт нийтэлж байна.