УТБА-ийн дэргэдэх Нийгмийн Ухааны
Либерти Дээд сургуулийн Магистрын зэрэг
хамгааалуулах зөвлөлийн дүрэм

Либерти Дээд сургуулийн Эрдмийн

зөвлөлийн дүрэм

Нэг. Нийтлэг үндэслэл

1.1. Либерти дээд сургуулийн Эрдмийн зөвлөл нь Монгол улсын Дээд боловсролын тухай хууль, түүнд нийцүүлэн баталсан дүрэм, журам, Либерти дээд сургуулийн дүрмийн хүрээнд үйл ажиллагаагаа явуулна.

1.2. Эрдмийн зөвлөл нь сургуулийн дүрэм, сургалт эрдэм шинжилгээний ажилтай холбоотой асуудлыг хэлэлцэх, сургалт-эрдэм шинжилгээний ажлын чиглэлийг тогтоож, түүний онол, арга зүйн түвшин, ач холбогдол, үр дүнг хэлэлцэн санал, дүгнэлт  гаргана.

Хоёр. Эрдмийн зөвлөлийн үйл ажиллагааны хүрээ

2.1. Либерти дээд сургуулийн эрдмийн зөвлөл нь дараах асуудлуудыг хэлэлцэн санал, дүгнэлт гаргана. Үүнд:

2.1.1. Сургуулийн хэтийн төлөв, хөгжлийн асуудал, сургалтын зохион байгуулалт, дадлагын хөтөлбөр, дүрэм, түүнд нэмэлт, өөрчлөлт оруулах  асуудлуудыг хэлэлцэж, удирдах зөвлөлд санал оруулна.

2.1.2. Сургуулийн зохион байгуулалтын нэгжийг байгуулах, татан буулгах асуудлыг хэлэлцэн удирдах зөвлөлд санал хүргүүлнэ.

2.1.3. Сургуулийн захирлын болон нэгжийн удирдлагын тайланг хэлэлцэж, үнэлэлт, дүгнэлт өгнө.

2.1.4. Сургалт-эрдэм шинжилгээний ажлын чиглэлийг тогтоож, түүний онол, арга зүйн түвшин, ач холбогдол, тайлан, үр дүнг хэлэлцэж санал,  дүгнэлт  гаргана.

2.1.5. Багш, эрдэм шинжилгээний ажилтнуудын судалгааны ажлын сэдвийг батлах, эрдмийн бүтээлийг үнэлж, дүгнэлт өгөх, бүтээлийг хэвлүүлэхээр санал дэвшүүлэх асуудлыг хэлэлцэнэ.

2.1.6. Эрдмийн зөвлөлийн нэрэмжит шагнал бий болгох, шагналд тодорхойлох асуудлыг хэлэлцэн шийдвэрлэнэ.

2.1.7. Гадаадын их сургууль, дээд сургуулиудын эрдэм шинжилгээний байгууллагуудтай хамтын ажиллагааны гэрээ, хэлэлцээрийг байгуулах, хэрэгжиж буй олон улсын төслийн биелэлтийг хэлэлцэн дүгнэх, олон улсын байгууллагад гишүүнээр элсэх асуудлыг хэлэлцэж дүгнэлт гаргана.

2.1.8. Улс орны нийгэм-эдийн засаг, боловсрол, шинжлэх ухаан, технологийн хөгжил, бодлого, судалгааны чиглэл зэрэг төр засгийн дээд байгууллагад өргөн барих олон талт асуудлын талаар боловсруулсан хөтөлбөр, санал, дүгнэлт, зөвлөмж, хуулийн төсөл зэргийг хэлэлцэж, санал, дүгнэлт гаргана.

2.1.9. Эрдмийн зөвлөлөөр хэлэлцэх асуудлын төлөвлөгөөг хэлэлцэж батлана.

2.1.10. Эрдэм шинжилгээний төслийн үр дүнг хэлэлцэн санал дүгнэлт гаргана.

2.2. Либерти дээд сургуулийн эрдмийн зөвлөл нь сургуулийн үйл ажиллагаатай холбоо бүхий асуудлуудыг гишүүдийн гуравны нэгээс доошгүй хувь нь дэмжсэн тохиолдолд хэлэлцэн санал, дүгнэлт гаргана.

Удирдах Зөвлөлийн дүрэм

Нэг. Нийтлэг үндэслэл

1.1. Нийгмийн ухааны Либерти дээд сургуулийн удирдах зөвлөл нь үүсгэн байгуулагч, суралцагч, төгсөгчдийн хамтын удирдлагын байгууллага мөн.

Удирдах зөвлөлийн үндсэн зорилго нь Нийгмийн ухааны Либерти дээд сургуулийг (цаашид Либерти ДС гэж товчлов) зохион байгуулалт, санхүү, материаллаг баазын хувьд бэхжүүлэх, бодлого, стратегийг тодорхойлох, түүний хэрэгжилтэд хяналт тавих, захирлын үйл ажиллагаанд үнэлэлт, дүгнэлт өгч дэмжлэг, туслалцаа үзүүлэхэд оршино. 

1.3. Удирдах зөвлөл нь Төрөөс боловсролын талаар баримтлах бодлого, Боловсролын тухай багц хууль, бусад хууль тогтоомж болон энэ  дүрмийг удирдлага болгоно.

Хоёр. Удирдах зөвлөлийг байгуулж, ажиллуулах

2.1. Удирдах зөвлөл нь үүсгэн байгуулагчийн болон багш, суралцагчид, төгсөгчдийн төлөөллөөс бүрдэнэ.

2.2. Удирдах зөвлөл нь 5-9 хүртэл гишүүнтэй байж болох бөгөөд тэдгээрийн 51-60 хувь  нь үүсгэн байгуулагчийн, бусад нь багш, суралцагчид, болон төгсөгчдийн төлөөлөл байна.

2.3. Удирдах зөвлөл дэх багш, суралцагч, төгсөгчдийн төлөөллийг тэдгээрийн хамт олны 50-иас доошгүй  хувийн ирцтэй хурлаас сонгоно.

2.4. Удирдах зөвлөлийн гишүүдийг 3 жилийн хугацаагаар томилох буюу сонгох бөгөөд жил бүр зөвлөлийн бүрэлдэхүүний гуравны нэгийг шинэчилж  болно.

2.5. Удирдах зөвлөлийн бүрэлдэхүүнд өөрчлөлт оруулах үндэслэл нь томилсон, сонгосон төлөөллөө татах буюу солих тухай үүсгэн байгуулагч болон уг төлөөллийг сонгосон байгууллага, хамт олны хурлын шийдвэр, эсхүл гишүүний өөрийн нь хүсэлт зэрэг болно.

2.6. Удирдах зөвлөлийн даргыг үүсгэн байгуулагчийн саналаар 3 жилийн  хугацаагаар зөвлөлийн гишүүдийн хурлаас ил санал хураалтаар сонгоно. Удирдах зөвлөлийн даргыг хуулийн заалт, үүсгэн байгуулагчийн бодлого, шийдвэрийг хэрэгжүүлээгүй зэрэг үндэслэлээр бүрэн эрхийн хугацаа дуусахаас өмнө өөрчилж болно.

Магистрантын үнэлгээний журам

Нэг . Нийтлэг зүйл

1.1. УТБА-ийн дэргэдэх Нийгмийн Ухааны Либерти дээд сургуулийн /цаашид Либерти ДС гэнэ/ магистрантын мэдлэг эзэмших, чадвар, дадлыг хөгжүүлэх үйл явцыг хянах, сургалтын үр дүнг үнэлэхдээ энэхүү журмыг баримтлана.

1.2. Нэг багц цагийн хэмжээ нь суралцагчийн долоо хоногийн бүтэн ачаалал буюу 40 цагтай тэнцүү байна. Нэг багц цагт оюутны танхимд ба бие даан ажиллаж үнэлүүлэх цагийн харьцаа нь ижил тэнцүү байна.

1.3. Суралцагчдын мэдлэг, ур чадварыг хянах, үнэлэх үйл ажиллагаанд шинжлэх ухааны үндэстэй, бодитой, шударга, ил тод байх зарчмыг мөрдлөгө болгоно.

Хоёр. Үнэлгээ

2.1. Магистрантыг үнэлэхдээ БСШУ-ны сайдын 2007 оны 06-р сарын 07-ны өдрийн 187 тушаалаар батлагдсан “Магистр, Докторын сургалт эрхлэхэд баримтлах нийтлэг журам”-ын 11-т заасны дагуу үнэлнэ. Үнэлгээний утга:

A - Тухайн хичээлийн агуулгыг бүрэн төгс ойлгосон, өргөн мэдлэг эзэмшсэн, уг агуулгаар судалгаа хийх арга зүйг эзэмшсэн.

B - Хичээлийн агуулгыг сайн эзэмшсэн, судалгааны эмпирик аргуудыг ашиглан судалгаа хийх даалгаврыг гүйцэтгэх чадвартай.