Д. Ганбат PhD: -Миний хувьд энэ удаагийн ярилцлагад орсны учир нь МАХН-ын гаднахь орчин нь ямар байна вэ гэдгийг харуулах явдал. Бид судалгаа хийдэг. Нэгдүгээрт, рейтингийн судалгаа нь сүүлийн арваад жилтэй харьцуулахад тааж буудах нь багасаад байна. Бидний судалгаанд нам нь ямар байх гол биш. Харин ардчиллын үнэлэмж, иргэдийн оролцооны чадамж ямар төвшинд байна вэ гэдгийг судалдаг. Намуудын сонгуульд оролцох оролцоо, төвшин ямар байна вэ гэдгийг бид мөн судалдаг. Жишээлбэл, 2004 оны сонгуулийн өмнөх хагас жилийн судалгаагаар хэний төлөө санал өгөхөө шийдээгүй хувь нь 20 орчим байсан. Харин өнөөдрийн буюу аравдугаар сарын судалгаагаар дээрх дүн арав гаруй хувьтай байна. Сүүлийн хоёр жилийн судалгаанаас харахад МАХН-ын байдал үнэхээр хүнд байна. 2006 оны хавраас эхлүүлээд динамикийн өөрчлөлт нь байраа сольчихсон. Өөрөөр хэлбэл, 2005 оны хавар МАХН нь АН-аас 20 орчим хувиар илүү явж байсан бол одоо зөрүү нь Ардчилсан намд ашигтайгаар 15 функтээр илүү гарчихаад байна.